Napаѓачот на Форест се наоѓа во кома по итна операција

Напаѓачот на Нотингем Форест, Авоњи се наоѓа во индуцирана кома и прима интензивна медицинска нега по итна операција поради тешка повреда на абдоменот, објавија синоќа британските медиуми.

Авоњи доби потенцијално животно загрозувачка повреда за време на натпреварот против Лестер Сити во неделата, кога се обиде да даде гол и силно се удри во стативата.

Иако по неколку минути помош на теренот се обиде да ја продолжи играта, наскоро стана јасно дека не може нормално да трча, а Форест поради исцрпени замени го заврши натпреварот со играч помалку.

Вистинскиот обем на повредата беше откриен ден подоцна, кога Авоњи беше итно префрлен во болница и подложен на операција.

UPDATE: Taiwo Awoniyi has been placed into an induced coma and is receiving intensive care following ‘urgent’ surgery. Early signs are thought to be positive. Aim is to complete his operation tomorrow. https://t.co/T6sEYJz27Y

— Mike Keegan (@MikeKeegan_DM) May 13, 2025