Астон вила сака да го доведе Феран Торес (25), напаѓачот на Барселона. Англискиот клуб и минатата година се обидуваше да го преземе шпанскиот фудбалер, за кого се подготвени да понудат 50 милиони евра отштета, објавија британските медиуми.
Тренерот Унај Емери многу го цени Торес и во англискиот клуб сметаат дека понудата од 50 милиони евра може да ја убеди управата на каталонскиот клуб да го продаде шпанскиот репрезентативец. Минатото лето, понудата на англискиот клуб беше речиси половина помала, па Барса ја одби, истакнуваат британските медиуми повикувајќи се на шпански извори.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Иако често влегуваше како замена, Торес минатата сезона во Барселона постигна 19 голови и седум асистенции. Во каталонскиот клуб стигна во јануари 2022 година од Манчестер Сити во трансфер вреден 55 милиони евра, а договорот го врзува за Барселона уште две години.
Фото: Принтскрин
Учество во игри на среќа е дозволено за лица со 18+ години. Играј одговорно!