Шпанскиот стратег Луис Енрике разгледува можност за заминување од Пари Сен-Жермен по завршувањето на тековната сезона, иако со клубот има постигнато истакнати успеси. Според информациите од германскиот Билд, Енрике не планира да го продолжи договорот кој му истекува во јуни, бидејќи бара нови предизвици во својата кариера, објавува Марка.
Зошто Енрике сака да го напушти Париз?
Главната причина за можното негово заминување се поврзува со желбата за нов професионален чекор. До крајот на јуни би можел да стане слободен тренер, што би го направило многу привлечен кандидат за водечките светски репрезентации кои по Светското првенство ќе бараат нов селектор за претстојниот циклус.
До кога ќе дишеме отровен воздух!? | Уште еден поткаст
Како втор можен мотив се споменува и мал пад во формата на ПСЖ оваа сезона. Иако резултатите не се лоши, тие не се на нивото на доминација од претходната сезона. Парижаните сега се втори во француското првенство, со еден бод помалку од Ленс, додека во Лигата на шампионите се трети, зад Арсенал и Баерн Минхен.
Ако во летото 2026 година се потврди заминувањето на Луис Енрике, тоа би значело огромна загуба за парискиот клуб. Се чинеше дека во поранешниот тренер на Барселона пронајдоа лидер кој би можел да ги води кон долгорочна европска доминација.
Учество во игри на среќа е дозволено за лица со 18+ години. Играј одговорно!