На повидок одлични вести за Пеп: Родри може да заигра во ЛШ!

Манчестер сити го пријави Родри за продолжението на натпреварувањето во Лигата на шампионите.

“Граѓаните” со победата над Бриж во последното коло обезбедија место меѓу најдобрите 16, па сега ги чека двомеч против Реал.

Клубовите имаа рок во кој мораа да ги пријават и лиценцираат играчите за продолжението на натпреварувањето, а на списокот на Сити се најде и шпанскиот играч за врска.

Тој се повреди во дуелот против Арсенал (на 23 септември) и веќе сите сметаа дека за Родри сезоната е завршена.

Сепак, неколку седмици по операцијата на коленото, Шпанецот најави дека можеби ќе може да се врати на теренот во завршницата на сезоната.