„Мојата сопруга и деца не летаат со приватни авиони“: Ибрахимовиќ има посебна причина за тоа и нема врска со парите

Златан Ибрахимовиќ има доволно пари по долга и успешна кариера. Сега е директор во Милан и за него одредени работи не претставуваат проблем. Сепак, не ги користи на тој начин и не се “бања” во луксуз. Како еден од примерите го наведе тоа што неговата невенчана сопруга Хелена Сегер и нивните деца Максимилијан и Винсент не летаат со приватни авиони.

„Истото е и со мојата жена. Кога јас одам со авион, можам да земам приватен, да не ми пречат луѓе, тоа е друга работа, не е поради парите. Кога таа оди, патува со редовни летови, има и тие поевтините компании. Оди со децата и така. Таа вели дека и децата треба да го видат светот реално. Тоа ни беше важно“, објасни Ибрахимовиќ во емисијата “(Не)успех на шампионите” кај Славен Билиќ.

Тој нагласи дека парите не му се во прв план и дека сака на своите синови да им ја покаже и другата страна.

„Многу се благодарни, не бараат повеќе отколку што имаат. Затоа давам пример, ако можам јас кој сум дошол од ништо до ова, можат и тие. Тие сега имаат 200 проценти повеќе отколку што имав јас. Јас сум доказ дека сето тоа е возможно”, јасен е Ибрахимовиќ.