Модриќ подготвува терен за пензија – вложи 22 милиони евра

Дека полека се подготвува за фудбалска пензија покажуваат и новите вести од Шпанија. Модриќ сè повеќе вложува во семејната фирма „Модриќ Фемили СЛ“ која ја основал во 2020 година во Мадрид.

Како што пренесуваат медиумите, Модриќ неодамна инвестирал дури 22,16 милиони евра во оваа фирма.

Компанијата е регистрирана во Трговскиот регистар во Мадрид, а нејзината примарна дејност е купопродажба и изградба на недвижности.

Според достапните јавни информации, годишниот промет на „Модриќ Фемили СЛ“ е помал од два милиони евра. По докапитализацијата, вкупниот капитал на компанијата изнесува 38,6 милиони евра.

Лука е единствениот сопственик на компанијата „Модриќ“, чие правно претставување го врши неговата сопруга Вања.