Милан почна преговори со Влаховиќ

Милан не се откажува од идејата да го доведе Душан Влаховиќ на „Сан Сиро“ бидејќи напаѓачот е најголема желба на тренерот Макс Алегри.

Италијанските медиуми пренесуваат дека спортскиот директор Таре почнал преговори со агентите на Влаховиќ.

„Газета дело Спорт” пишува дека Милан подготвил понуда за која верува дека ќе биде доволна за Влаховиќ да потпише, иако условите не се ни блиску до оние кои Србин ги има во Јувентус.

Милан му нуди на Влаховиќ 6.000.000 евра по сезона, што е двојно помала годишна плата од сумата која би ја заработил во претстојната сезона како член на Јувентус.

Јувентус од друга страна бара обесштетување од 20 милиони евра, Милан ќе проба да ја намали таа сума, бидејќи се работи за играч во последната година од договорот.

📰 @MatteMoretto: In the past few hours, new contacts have taken place between AC Milan and Vlahovic’s camp in an attempt to reach a financial agreement. Allegri is doing everything he can to ensure Vlahovic signs! pic.twitter.com/0NkwWx15j8

— Milan Posts (@MilanPosts) July 27, 2025