Милан го продава Бенасер во Саудиска Арабија

Саудискиот Ал-Итихад дал понуда на Милан за играчот од средината на теренот Исмаел Бенасер во износ од околу 10 милиони евра, известува “Газета дело спорт”.

Николо Скира додава дека тимот на Карим Бензема му понудил на алжирскиот репрезентативец тригодишен договор.

Бенасер не е во плановите на новиот тренер на “росонерите” Масимилиано Алегри, па клубот бара купувач за него. 27-годишниот играч од средината на теренот е дел од Милан од летото 2019 година и има 178 натпревари со 8 голови и 12 асистенции за тимот.

Оваа пролет тој играше на позајмица во Марсеј и запиша 12 натпревари со 2 асистенции за Французите, но тие одлучија да не ја активираат опцијата за купување во износ од 12+3 милиони евра.