Матеус убеден: За легендата треба да има место на СП!

Легендарниот Лотар Матеус е уверен дека Мануел Нојер треба да биде во составот на Германија за Светското првенство и дека Јулијан Нагелсман треба да ги надмине личните чувства и да го повика во националниот тим.

Лотар Матеус е воодушевен од играта на Мануел Нојер во дресот на Баерн. Иако има 40 години сè уште e на врвот на својата кариера и не е јасно зошто таков талент нема да биде дел од германската репрезентација на Светското првенство.

По натпреварот од Лигата на шампионите против Реал Мадрид, каде што Нојер блескаше, Матеус испрати јасна порака до селекторот Јулијан Нагелсманн.

“Оваа верзија на Мануел Нојер е на светско ниво. Тој без сомнение треба да биде дел од националниот тим,” изјави Матеус и продолжи:

“Се надевам дека Нагелсман го следеше натпреварот. Искрено би сакал да го видам Нојер во оваа форма на Светското првенство.

“Меѓутоа, знам дека тоа нема да се случи. Јулијан Нагелсман нема да ја отвори таа тема..”

Германските медиуми информираат дека враќање на Нојер во националниот тим, без разлика на неговата форма, нема да има. Тој ја заврши кариерата во репрезентацијата во 2024 година.

Извонредниот голман дебитираше за репрезентацијата во 2009 година. Одработи 124 натпревари и беше дел од тимот кој го освои светскиот титул во 2014 година.

Сепак, очигледно е дека Матеус верува дека меѓу Нојер и Нагелсманн постојат недоразбирања, кои се пречка за неговото учество на Мундијалот, и Германија ќе патува таму со можеби најслабата голманска екипа досега.

Прв голман на Германија во Северна Америка ќе биде Оливер Бауман, втор Александер Нубел, со отворено место за трет голман.

Затегнатите односи помеѓу Нојер и селекторот датираат уште од времето на Баерн. Нагелсманн го отпушти тренерот на голманите Тони Тапаловиќ, близок пријател на Мануел, што Нојер го перципираше како напад врз него и загуба на доверба.

Нојер се повлече од репрезентацијата во 2024 година. Подоцна се појавија приказни за негово враќање, но Нагелсманн досега ги игнорираше.