РЕАЛ МАДРИД потврди дека Винисиус Жуниор се здобил со повреда на задниот дел на левата нога за време на неделниот натпревар против Леганес во кој актуелниот шпански и европски шампион победи со 3-0.
Поради ова, второпласираниот фудбалер во овогодинешниот избор на Златната топка ќе биде надвор од терените еден месец.
Пред дербито, падна најважниот потпис во Манчестер Сити! ↓↓↓
Марка пишува дека повредата на Винисиус би можела да го израдува Килијан Мбапе, бидејќи Французинот сега конечно ќе игра на позицијата лево крило, неговата природна позиција и онаа во која најдобро се снаоѓа.
Истите медиуми пренесуваат дека веќе на овонеделниот натпревар од Лигата на шампионите против Ливерпул, речиси сигурно ќе игра на позицијата лево крило, додека 18-годишниот Ендрик конечно би можел да добие шанса во врвот на нападот. Се очекува Брахим Дијаз да игра на позицијата десно крило.
25-годишниот Французин постигна девет гола со две асистенции во 17 натпревари за „Кралевите“ оваа сезона, но учеството во головите беше најмногу против клубови од средниот или долниот дел на табелата во Примера, со исклучок на гол во Суперкупот против Аталанта и против Штутгарт во Лигата на шампионите. Ќе видиме дали со менување на позицијата ќе стане поголем фактор во натпреварите против посилните екипи.
Учество во игри на среќа е дозволено за лица со 18+ години. Играј одговорно!