Тениската легенда Енди Мареј тргнува во потрага по милиони на поинакво спортско поле. Следниот месец ќе се натпреварува на престижното Алфред Данхил Линкс Шампионат во својата родна Шкотска, каде што ќе ги одмери силите со некои од најголемите имиња во голфот, пишува mirror.co.uk.
Турнирот ќе се одржи во неговата татковина од 2. до 5. октомври на некои од најпознатите шкотски терени, вклучувајќи ги Олд Курс Сент Ендруз, Карноусти и Кингсбарнс. Посебноста на ова натпреварување е форматот во кој аматерите играат заедно со професионалци за награден фонд од 3,7 милиони фунти (околу 4,25 милиони евра).
Дејан Јакимовски: Ни ФИФА не веруваше дека ќе стигнеме на време со ВАР системот | Уште еден поткаст
„Навистина се радувам на ова, ова е нешто посебно. А за еден Шкот како мене, да можам тоа да го правам во Шкотска на таква уникатна локација го прави сето тоа уште попосебно. На многу начини, Олд Курс во Сент Ендруз е многу сличен на Централниот терен во Вимблдон”, рече Мареј и додаде:
„Двата имаат ист историски дух и атмосфера која едноставно не постои на многу спортски терени низ светот. Ќе уживам во тоа.”
Фото: Принтскрин
Учество во игри на среќа е дозволено за лица со 18+ години. Играј одговорно!