„Марадона беше починат повеќе од два часа, куќата беше многу нечиста“

Судењето на обвинетите за убиство од небрежност на легендарниот Диего Армандо Марадона продолжи, а лекарот кој беше сосед на славниот Аргентинец го шокираше сите со своите сведочења.

Колин Кембел, кој беше повикан од обезбедувањето во куќата на Марадона во трагичната ноќ, истакна дека во куќата на Диего немало дефибрилатор ниту други потребни апарати за нега на лице кое неодамна имало операција.

„Куќата беше многу нечиста, особено собата во која се наоѓаше Марадона. Немаше основни хигиенски услови ниту медицински апарати“, рече тој, и додаде дека во ноќта на смртта на Марадона, на 25 ноември 2020 година, по доаѓањето во неговиот дом наишол на медицинска сестра која се обидувала да го оживее 60-годишниот фудбалер, но тој веќе подолго време бил мртов, час или два.

Сведоштвото на Кембел го потврди и лекарот Хуан Карлос Пинто, кој пристигна како дел од Брзата помош малку подоцна.