Манчестер Јунајтед доживеа ново понижување: Ве напушти бидејќи сте катастрофа

Манчестер Јунајтед синоќа загуби од Нотингем Форест и така повторно ги разочара своите навивачи, а вниманието го привлече моментот кој се случи во 7. минута од натпреварот.

Во рамките на 30. коло на англиската Премиер лига, Нотингем Форест го победи Манчестер Јунајтед со резултат 1:0.

Единствениот и одлучувачки гол на овој натпревар „падна“ во петтата минута, а го постигна Ентони Еланга – поранешен играч на „Црвените ѓаволи“.

По голот на Еланга, навивачите на Нотингем Форест решија да ги испровоцираат гостинските навивачи од Манчестер.

Од трибините им порачаа: „Ве напушти бидејќи сте катастрофа, Еланга ве напушти бидејќи сте катастрофа!“