Мајк Мањан го напушта Милан, но не потпишува со Челзи!

Според информациите од италијанските медиуми, голманот на Милан, Мајк Мањан, ќе го напушти клубот следното лето кога му истекува договорот.

Нов договор нема да биде потпишан, а од јануари францускиот репрезентативец има право да преговара со потенцијални нови клубови каде што ќе ја продолжи кариерата.

Медиумите во Италија тврдат дека Баерн Минхен успеал да го убеди Мањан да потпише за Баварците, и покрај големиот интерес на Челзи за неговите услуги.

Мањан пристигна во Милан од Лил во 2021 година за 16 милиони евра. Претходно бранеше за помладите категории на Пари Сен-Жермен, каде што ја започна својата кариера.