Роберт Левандовски, 36-годишниот полски фудбалер и напаѓач на Барселона, овој вторник го постигна својот јубилеен 100-ти гол во кариерата во натпреварите од Лигата на шампионите.
Во десеттата минута од натпреварот од петтото коло во Лигата на шампионите помеѓу Барселона и француски Брест, беше досуден пенал за домашните, по прекршокот над Левандовски, а Полјакот беше тој што ја намести топката на белата точка и постигна гол за 1:0.
Исхрана, повреди и тренинг – совети од доктор по спортска медицина | Уште еден поткаст
Играјќи за Борусија Дортмунд, Баерн и Барселона, Левандовски стигна до својот 100-ти гол во Лигата на шампионите. Најмногу постигна 69 од нив во дресот на Баерн.
За Борусија постигна 17 голови, а за Барселона постигна 14 гола. Пред него се само двајца фудбалери, Португалецот Кристијано Роналдо има постигнато 140 голови, додека Аргентинецот Лионел Меси има 129 гола.
Зад Левандовски се Карим Бензема со 90 голови и шпанскиот напаѓач Раул со 71 гол.
Учество во игри на среќа е дозволено за лица со 18+ години. Играј одговорно!