Крос: Реал не се гради на имиња. На клубот не влијаеше моето заминување

Фудбалерите на Реал Мадрид ги освоија двата трофеи за кои играа во финалето оваа сезона. Откако ја совладаа Аталанта со 2:0 во Суперкупот на УЕФА во август, вчера ја победија мексиканската Пачука со 3:0 во финалето на премиерниот Интерконтинентален куп на ФИФА.

Двата трофеи како капитен ги подигна хрватскиот репрезентативец Лука Модриќ. Неговиот долгогодишен партнер во средниот ред на Кралевите, Тони Крос, се пензионираше минатото лето, а сега се јави да му честита на Винисиус за освојувањето на наградата ФИФА The Best за најдобар играч во светот.

Говорејќи на подкастот „Einfach mal Luppen“ рече: „Сакам да му честитам на Винисиус за наградата што ја освои. Тој дефинитивно го заслужи тоа“. После тоа тој испрати порака до навивачите: „Имам порака за навивачите на Реал Мадрид, Реал Мадрид не беше погоден од моето заминување, а клубот нема да биде погоден дури и кога Модриќ ќе го напушти тимот“.

„Кога си замина Кристијано Роналдо имаше многу негативни приказни, но како одговор на оваа ситуација ветивме дека овој тим ќе биде шампион и го исполнивме тоа. Марсело си замина и тимот продолжи да победува. Реал Мадрид не е изграден на имиња и отсуството на ниту еден играч нема да доведе до крај на тимот.