Контроверзниот сопственик на Панатинаикос доживеа сообраќајна несреќа!

Претседателот на Панатинаикос Димитрис Јанакопулос учествуваше во сообраќајна несреќа која се случи синоќа во Атина, пренесуваат грчките медиуми.

Според информациите објавени од спортските портали таму, инцидентот се случил во вечерните часови кога возилото во кое се наоѓал првиот човек на Панатинаикос било вмешано во судар со друг автомобил.

Веста брзо се прошири низ Грција и предизвика големо внимание од јавноста, особено поради фактот што станува збор за една од најпознатите личности во европската кошарка.

Првите информации предизвикаа загриженост меѓу навивачите на атинскиот гигант, но наскоро пристигнаа и охрабрувачки вести.

Исто така, не беше потребна медицинска интервенција, што потврди дека целиот настан завршил без посериозни последици.