Фудбалерот на Баерн Минхен, Јошуа Кимих, ја објасни ситуацијата со договорот со Баварците, кој истекува на крајот од сезоната. 30-годишниот Германец може да стане слободен агент во лето, а за него има интерес. Пари Сен Жермен, Арсенал и Ливерпул ја следат ситуацијата. Баерн му предложи нов договор на Кимих, но откако тој не ги прифати условите, понудата беше повлечена.
“Мојот план беше да донесам одлука пред паузата за националните тимови. Клубот не беше заинтересиран, што е нивен избор. Наскоро ќе има одлука. Сигурно ќе биде пред паузата. Други клубови исто така имаат улога во мојата одлука за иднината. Нема да спомнувам имиња на клубови, но ќе има одлука наскоро”, изјави Кимих после вчерашната победа на Баерн над Леверкузен со 3:0 во првиот натпревар од осминафиналето на Лигата на шампионите.
Исхрана, повреди и тренинг – совети од доктор по спортска медицина | Уште еден поткаст
Според “Билд”, Баерн му понудил на играчот продолжување на договорот со истата плата. Сепак, тој побарал дополнителна сума, која би ја добил при потпишувањето на договорот.
Учество во игри на среќа е дозволено за лица со 18+ години. Играј одговорно!