Киеза се поблиску до Наполи

Крилниот напаѓач на Ливерпул, Федерико Киеза е се поблиску до преселба во Наполи, пренесуваат италијанските медиуми.

Двата клуба веќе се во напредни преговори за трансферот, а за реализација на зделката помага и агентот на играчот, Фали Рамадани.

Киеза летото се пресели во Ливерпул од Јувентус за 12 мил. евра плус уште 3 во форма на бонуси. Сепак, тој никогаш не успеа да се наметне во тимот на Арне Слот, а причина за тоа се повредите кои го следат од почетокот на сезоната.

 Поради оваа причина, Италијанецот забележа скромни 123 минути на теренот оваа сезона и сака да ја промени средината.

Наполи бара засилување во нападот и смета дека Киеза ќе,му помогне во борбата за Скудетото.