Киеза пред враќање во Италија – ќе се бори и за Скудето?

Федерико Киеза нема доверба кај Арне Слот поради што не ја исклучува можноста за враќање во Италија.

Многу извори од Апенините открија дека Италијанецот ги разгледува опциите, а на прво место е – Наполи!

Антонио Конте смета дека Киеза може да биде од големо значење во борбата за титулата во Серија А, и е подготвен да го доведе на заем до крајот на сезоната.

Киеза никако не се снајде по доаѓањето во Англија, се мачеше и со повреди, а потоа запиша само четири настапи, од кои два во Лига купот.

Ако се погледне неговото вкупно време на терен, помина само 123 минути, забележа една асистенција.

Италијанецот е свесен дека е само шести избор во напаѓачката линија и дека ќе го помине поголемиот дел од натпреварите на трибините или на клупа.

Ќе потсетиме тој летово пристигна од Јувентус за 15 милиони евра.