Поразот од Олимпијакос не беше единствената непријатност за Бешикташ во осмото коло од Евролигата. По прес-конференцијата, тренерот Душан Алимпијевиќ влезе во жестока расправија со турскиот новинар Фатех Озен, кој потоа изнесе обвинувања за заканувачко однесување.
Според раскажувањето на Озен, српскиот селектор и тренер на Бешикташ му пришол лут поради неговите објави на социјалните мрежи. Алимпијевиќ ги сметал тие објави за недозволиви, а незадоволството му го искажал по завршувањето на официјалното обраќање пред медиумите.
Новинарот тврди дека кај излезот од салата добил порака оти ќе се сретнат насамо, кога нема да има други луѓе. Озен рече дека тие зборови ги доживеал како закана и дека средбата силно го вознемирила.
Тој изнесе и сомневање дека некој од стручниот штаб му ја пренесува на Алимпијевиќ содржината од неговите објави. Според неговото видување, токму тоа било причината за гневната реакција на тренерот.
Тензијата надвор од теренот дојде по петтиот пораз на Бешикташ во натпреварувањето. Турскиот тим по осум кола има три победи и пет порази, учинок со кој се наоѓа на 13. место на табелата.
Фото: User:Zafer / Wikimedia Commons, CC BY-SA 4.0
Учество во игри на среќа е дозволено за лица со 18+ години. Играј одговорно!