Joкиќ одигра натпревар каков што ретко се гледа од него: Шутна само четири пати

Кошаркарите на Денвер без поголеми проблеми изминатата вечер го совладаа Детроит Пистонс со 131:114 што беше и очекувану бидејќи станува збор за најлошиот тим сезонава во НБА лигата.

Натпреварот како да не беше мотивирачки и за Никола Јокиќ кој скоро и да се исклучи од офанзивниот дел од играта и шутна само трипати, а натпреварот го заврши со за него прескромни четири поени. Но, сепак асистираше и запиша дури 16 додавања до своите соиграчи, додаде и уште седум скока и пет блокади.

До ваков учинок Јокиќ стигна за 25 минути поминати на паркетот. Најрасположен кај актуелниот шампион беше Џамал Мареј кој постигна 33 поени, Мајкл Портер додаде 15, а Пејтон Вотсон 13 поени. Бојан Богдановиќ на спротивната страна средбата ја заврши со 14 поени, Алекс Брукс беше поефикасен од него со 15.

НБА РЕЗУЛТАТИ: Орландо – Атланта 117-110, Сакраменто – Њу Орлеанс 100-133, Далас – Минесота 115-108, Денвер – Детроит 131-114, Феникс – Мемфис 115-121, Голден стејт – Торонто 118-133, ЛА Лејкерс – ЛА Клиперс 106-103, Бруклин – Порланд 127-134.