Јамал има девојка, 12 години повозрасна инфлуенсерка! (Фото)

Како што често е случајот со славните спортисти, ниту Ламин Јамал, тинејџерската ѕвезда на ФК Барселона, не успева да го зачува својот приватен живот далеку од очите на јавноста.

Последниве денови, шпанските таблоиди шпекулираат за неговиот љубовен статус – и тоа со посебно внимание поради големата разлика во години.

Според неколку извори, 17-годишниот Јамал наводно е во врска со 29-годишната инфлуенсерка Фати Васкес, која ја започна својата кариера на интернет во 2016 година. Денес, таа е една од најследените шпански онлајн личности, со огромен број следбеници на YouTube, Instagram и TikTok.

Позната по содржини поврзани со животен стил и убавина, Фати се смета за една од највлијателните личности на шпанската дигитална сцена.

Гласините добија на тежина откако корисниците на социјалните мрежи забележаа изненадувачки сличности во нивните објави – и двајцата неодамна престојувале во Италија, поточно на Сицилија, а фотографиите со панорамски погледи, луксузни базени и хеликоптери дополнително ги засилија сомнежите.

Иако не објавија ниту една заедничка фотографија, совпаѓањето на локациите и времето беше доволно да предизвика лавина коментари и шпекулации на интернет.

До сега, ниту Јамал ниту Васкес не се огласија јавно во врска со наводите за врската, но фановите на социјалните мрежи се уверени дека меѓу нив постои повеќе од пријателство. Многумина истакнуваат дека, дури и ако романсата не е потврдена, заедничкиот одмор делува како знак на блискост – или, како што би рекле следбениците: “Не мора да објавиш, сѐ веќе се гледа.”