Jанг донел одлука: Не сака ниту да тренира во Јунајтед, сака само во Интер!

Ешли Јанг сака само трансфер во Интер!

Интер продолжува да купува од Манчестер Јунајтед, минатото лето ги доведе Санчез и Лукаку, а следен ќе биде изгледа Јанг.

Пред два дена се појави веста дека Интер сака да го доведе Јанг, утрово се појави информација дека Јунајтед му понудил нов договор, а набрзо потоа и дека фудбалерот ја одбил понудата на „црвените ѓаволи“.

Во Јунајтед хаос кога станува збор за еден од најискусните играчи. Јанг според информациите не сака да тренира со цел да издејствува трансфер во Интер уште во јануари. Јунајтед нема премногу опции или ќе го блокира неговиот трансфер, но ќе има незадоволен играч во соблекувалната и нема да имаат помош од него на теренот, а покрај тоа на крај ќе си замине и без оштета.

Сега останува да се чека на одлуката на клубот, меѓутоа продажба за одредена сума изгледа како подобра опција за англискиот клуб.