Италијанците убедени: Ова е уште еден доказ дека Влаховиќ заминува од Јувентус

Јувентус прави сè за да го задржи Рандал Коло Муани и тоа е уште еден доказ дека Душан Влаховиќ сигурно ќе го напушти Торино на крајот од сезоната.

Сигурни италијански медиуми открија дека Јуве се подготвува да ја продолжи позајмицата на францускиот напаѓач за уште една сезона, бидејќи нема пари да го откупи, и се очекува ПСЖ да се согласи, бидејќи Луис Енрике не смета на него.

Коло Муани веднаш по пристигнувањето го зазеде местото на стартер пред Душан Влаховиќ, кој во убедливиот пораз од Аталанта беше дури петта измена на Тијаго Мота.

Јуве е подготвен да плати 10 милиони евра за Коло Муани да ја продолжи позајмицата до летото 2026 година, но преговорите се очекуваат на крајот од сезоната.

Сигурно е дека приоритет на Парижаните ќе биде продажбата на Коло Муани, но тешко дека ќе успеат да вратат и половина од дури 95 милиони евра колку што го платија Ајнтрахт од Франкфурт.

Што се однесува до Влаховиќ, тој гледа кон Премиер лигата, но сигурно дека ќе има бројни понуди кога на лето ќе влезе во последната година од договорот со Јувентус.