Италијанскиот ветеран по само една сезона го врати Сасуоло во Сеирја А!

Фудбалерите на Сасуоло обезбедија враќање во Серија А по една година отсуство, откако вчера завршија сите натпревари од 33-то коло на вториот италијански ранг.

Пет кола пред крајот на Серија Б, клубот од Емилија-Ромања дојде до пласман во највисокиот ранг на италијански фудбал по ремито на Манто́ва и Специја (2:2).

Сасуоло, кој го води од клупата поранешниот италијански репрезентативец Фабио Гросо, сега има недостижна предност од 16 поени во однос на третопласираната Специја.

Минатата сезона Сасуоло заврши на претпоследното, 19-то место во Серија А, а Гросо го презеде клубот во јуни 2024 година.

Претходно, Гросо три месеци го водеше Олимпик Лион (септември – ноември 2023 година), а тој период го обележа само една победа во седум првенствени натпревари и повреда што ја здоби при каменување на автобусот на патот до стадионот во Марсеј.

Гросо во 2006 година со репрезентацијата на Италија ја освои титулата светски првак во Германија, а како тренер оваа сезона забележа 23 победи, со само четири порази во Серија Б.