Стручните коментатори Гери Невил и Џејми Карагер заклучија дека има кавга во соблекувалната на Манчестер Сити помеѓу менаџерот Пеп Гвардиола и ѕвездата Кевин Де Брујн и дека кавгата е причината поради која шпанскиот стручњак малку го користи својот белгиски играч за врска.
Заклучокот беше претставен во анализата на новиот пораз на Сити, овојпат од Ливерпул (0:2). Тоа беше седми последователен натпревар за Сити без победа и шести пораз на тимот на Гвардиола во таа серија.
Исхрана, повреди и тренинг – совети од доктор по спортска медицина | Уште еден поткаст
Де Брујн учествуваше во него со 11 одиграни минути. Белгискиот играч за врска извесно време паузираше поради повреда, но веќе некое време е активен и многумина се прашуваат дали е подготвен за поголема минутажа од она што му го дава Гвардиола.
Гвардиола го отфрла заклучокот на Карагер дека „нешто не е во ред меѓу нив двајца“ и размислувањата на Невил дека „нешто се случува во соблекувалната“.
„Луѓето велат дека имам проблем со Кевин. Мислите ли дека сакам да играм без него? рече Гвардиола на оваа тема и саркастично додаде: “Не, не сакам да игра. Не го сакам на теренот играчот со најмногу талент. Не. Имам проблем со него по девет години заедно“.
Учество во игри на среќа е дозволено за лица со 18+ години. Играј одговорно!