Македонската тенисерка Лина Ѓорческа успешно ја оправда фаворитската улога и обезбеди пласман во осминафиналето на ИТФ турнирот што се одржува во Грузија, совладувајќи ја домашната претставничка Зозија Кардава со убедливи 2:0 во сетови.
Зошто проблемот со улични кучиња СÈ УШТЕ постои? | Уште еден поткаст
Во првиот сет се водеше неизвесна битка, при што двете тенисерки имаа проблеми со реализацијата на својот сервис. Сепак, Ѓорческа успеа да направи еден брејк повеќе од Кардава – вкупно пет – што ѝ донесе предност и освојување на сетот со 7:5.
Во продолжението Ѓорческа ја презеде контролата на теренот, наметна поагресивен ритам и дозволи само два гема на противничката, освојувајќи го вториот сет со убедлива игра.
Во наредната фаза, македонската репрезентативка ќе се соочи со победничката од дуелот меѓу руската тенисерка Анастасија Тиконова и домашната Софија Шапатава.
Учество во игри на среќа е дозволено за лица со 18+ години. Играј одговорно!