Ѓорческа ќе игра финале во Куршумлиска Бања!

Најдобрата македонска тенисерка, Лина Ѓорческа, се пласираше во финалето на ИТФ турнирот во српската Куршумлијска Бања, совладувајќи ја Жибек Куламбаева од Казахстан со 2-1 во сетови.

Ѓорческа, која настапува како втора носителка, мечот го отвори уверливо и првиот сет го доби со 6-2. Сепак, казахстанската тенисерка возврати во вториот сет, славеше со идентични 6-2 и израмни на 1-1.

Во одлучувачкиот трет сет, македонската тенисерка ја презеде контролата и со резултат 6-3 ја обезбеди победата и место во финалето.

Во битката за титулата, Ѓорческа ќе се сретне со седмата носителка, Гркинката Марта Матоула, која до финалето стигна откако нејзината полуфинална противничка се откажа од натпреварувањето.