Голманот на Милан суспендиран поради навредување на судија

Голманот на фудбалската екипа на Милан, Мајк Мењан е суспендиран на еден натпревар поради непочитување на судијата по мечот против Лацио, објавија денеска италијанските медиуми.

Милан во неделата загуби од Лацио со 1:2 во првенството, а Мењан му се обрати на судијата на навредлив начин во тунелот на стадионот Сан Сиро на патот кон соблекувалните.

Како што пренесоа медиумите, францускиот голман беше казнет и со 15.000 евра.

Мењан така ќе го пропушти натпреварот против Лече во Серија А, на 8 Март.