Го повлече Кукурела за коса, па доби црвен картон. Погледнете што се случи

Стоперот на Саутемптон Џек Стивенс доби црвен картон во 40. минута од натпреварот против Челзи (1:5) во 14. коло од Премиер лигата.

Домашниот тим остана со играч помалку кога резултатот беше 3:1 за Челзи, а тоа беше затоа што Стивенс го повлече за коса дефанзивецот на Челзи, Кукурела. Ситуацијата можете да ја погледнете ТУКА.

Стивенс веднаш беше исклучен од страна на судијата Харингтон, што ја надополни и онака лошата ситуација на Саутемптон.

Челзи поведе во седмата минута со голот на Дисаси. Арибо израмни четири минути подоцна, но во 17. минута Кристофер Нкунку ги доведе гостите во водство. Третиот гол за Челзи го постигна Мадуеке во 34. минута.