Гасперини бесен по натпреварот: Овој спорт оди во правец кој нема врска со фудбалот

Аталанта го изгуби натпреварот против Клуб Бриж во осминафиналето на Лигата на шампионите, а тренерот на тимот од Бергамо – Џан Пјеро Гасперини беше бесен по натпреварот.

Во 94. минута од натпреварот Клуб Бриж – Аталанта, судијата досуди пенал за домаќините по еден навистина минимален контакт.

Нилсон, кој го избори пеналот, ја презеде одговорноста и постигна гол за победа на неговиот тим со резултат 2:1.

Тренерот на Аталанта веднаш по пеналот замина во соблекувалната, иако натпреварот сè уште не беше завршен – нешто што не се гледа секој ден.

Гасперини одржа прес конференција по натпреварот на која беше видливо бесен.

„Трагично е што овој спорт оди во правец кој нема врска со играта наречена фудбал. Секој има свое мислење за тоа што е пенал, а што не е“, рече Гасперини.

„Сега играчите се фрлаат по теренот барајќи пенали за да ‘украдат’ пенал. Не сум сигурен дека повеќе ги разбирам правилата на фудбалот“, додаде лутиот Италијанец.