Фудбалер им подлегнал на повредите здобиени во тепачка во ноќен клуб

Фудбалскиот клуб Бартон Таун излезе во јавноста по трагичната вест за смртта на нивниот фудбалер Џејмс Хичкок.

Од клубот потврдија дека Хичкок им подлегнал на повредите на главата здобиени во инцидентот во ноќниот клуб, а известуваат дека фудбалерот бил нападнат.

„Бартон Таун со неверување објави дека нашиот голман од првиот тим Џејмс Хичкок почина во болница по сериозна повреда на главата. Нашите искрени мисли и молитви се до неговата сопруга Ејприл, нивниот млад син Фреди, неговите родители, семејството и пријателите. „Сите натпревари на клубот закажани за овој викенд ќе бидат одложени во знак на почит“, соопшти клубот.

Бартон Таун е член на деветтото ниво на англискиот фудбал.