Eнди Мареј во последен момент го откажа настапот на Вимблдон

Енди Мареј се повлече од Вимблдон.

Поранешниот најдобар тенисер во светот веста ја објави непосредно пред мечот со Чехот, Томаш Махач. Како среќен губитник во главната ждрепка неговото место ќе го добие Давид Гофан.

Пред десетина дена Мареј правеше операција на грбот и до последен момент се обидуваше да биде спремен, сепак на крајот одлучи да се повлече. Меѓутоа се очекува да настапи во двојки каде што ќе го придружува неговиот брат Џејми.