Дербито на источниот регион донесе голема драма, но Брегалница на домашен терен не успеа да ја капитализира шансата за преземање на врвот во Втората македонска лига. Штипјани паднаа со минимални 0-1 против храброто Осогово, иако резултатите од другите мечеви им одеа во прилог по поразот на Шкендија Арачиново кај Новаци.
Иако Брегалница има за што да жали, мора да се признае дека гостите од Кочани одиграа дисциплиниран и пожртвуван натпревар, па трите бода не се изненадување. Единствениот гол падна во првото полувреме, во период кога двете екипи беа рамноправни. Домашните пропуштија низа шанси, промашија дури два пенали и погодија статива – детали кои на крај ги чинеа скапо.
Од лозје до чаша: Уметноста на виното со Теодор Бојаџиев | Уште еден поткаст
Слична судбина ја снајде и Шкендија Арачиново, која со 0-1 се врати од гостувањето во Новаци. Сепак, благодарение на киксот на Брегалница, тимот остана на лидерската позиција. Голот на Новаци беше вистински бисер и го зацврсти вториот пораз по ред за Шкендија, по оној во дербито со Брегалница.
РЕЗУЛТАТИ:
Осогово – Брегалница 0-1
Новаци – Шкендија (А) 1-0
Скопје – Големо Коњари 4-0
Каменица Саса – Беласица 0-2
Охрид – Детонит 1-0
Преспа – Слога Виница 1-2
Вардар Неготино – Победа 0-0
Учество во игри на среќа е дозволено за лица со 18+ години. Играј одговорно!