Eден од најталентираните фудбалери на Ајакс на мета на Баерн

Медиумите најавуваат дека Баерн Минхен ќе се обиде да го засили средниот ред со оглед на тоа дека договорот на Корентин Толисо истекува на крајот на сезоната и засега не е јасно дали соработката ќе биде продолжена.

Првите информации се дека голема желба на Баерн е играчот на Ајакс, Рајан Гравенберх. Низ германските медиуми може да се прочита дека овој фудбалер бил главна тема на разговор на состанокот помеѓу Оливер Кан и агентот на фудбалерот Мино Раиола.

Во овој момент нема информации за конкретна понуда, а цената на трансфер пазарот на младиот Холанѓанец е околу 30 милиони евра.