Денес треба да биде и официјално: Роналдо заминува!

Португалската фудбалска ѕвезда Кристијано Роналдо се разделува со саудискиот клуб Ал Наср.

Според информациите од новинарот на „Марка“, Хозе Феликс Диаз, оваа вест ќе биде потврдена од спортскиот директор на клубот, Фернандо Ијеро, на прес-конференцијата денес.

Роналдо веќе го навести крајот на партнерството, кога по последниот натпревар на социјалните мрежи објави фотографија во дресот на клубот со текст дека „ова поглавје е затворено“.

Од своето пристигнување во 2023 година постигна 99 гола, но не успеа да освои трофеи. Заради тоа, се насочи кон ново поглавје во кариерата.

This chapter is over.
The story? Still being written.
Grateful to all. pic.twitter.com/Vuvl5siEB3

— Cristiano Ronaldo (@Cristiano) May 26, 2025

Се зборува дека Роналдо има понуди од различни страни. Мексиканскиот Монтереј му понудил договор, а „Футмеркато“ објави дека и Ал Хилал изразил интерес.