Денес почнува Светското првенство во ракомет: Данска ја брани титулата, Македонија сака втора фаза!

Денес започнува Светското првенство во ракомет кое ќе се одржи во Хрватска, Данска и Норвешка.

Титулата ќе ја бранат Данците, несомнено најдобрата ракометна селекција во светот, кои се најголеми фаворити да на крилата на најдобриот ракометар во светот Матијас Гидсел по четврти пат во историјата станат светски шампиони.

Турнирот започнува со денешниот натпревар во 17:30 часот помеѓу Италија и Тунис, по што следуваат дуелите Франција – Катар (18:00), Австрија – Кувајт (20:30) и Данска – Алжир (20:30).

Maкедонија првенството го започнува утре од 20:30 часот со натпреварот против Унгарија, а во нашата група се уште Холандија и Гвинеја. Против Холандија играме на 17 јануари, додека со дуелот против Гвинеја на 19 ја завршуваме првата фаза. Во следната фаза поминуваат три репрезентации од групата, односно отпаѓа само последната, па според тоа на Македонија потребна и е веројатно најмалку една победа за следна фаза.

Прва групна фаза:

Група А: Германија, Полска, Чешка, Швајцарија

Група Б: Италија, Тунис, Данска, Алжир

Група В: Франција, Катар, Австрија, Кувајт

Група Г: Холандија, Гвинеја, Унгарија, Македонија

Група Д: Португалија, САД, Норвешка, Бразил

Група Е: Шпанија, Чиле, Шведска, Јапонија

Група Ж: Словенија, Куба, Исланд, Зеленоортски Острови