Легендарниот Хабиб Нурмагомедов откри интересна приказна за средбата со Давид Бекам. Познатиот фудбалер веднаш побара од славниот борец интересна и необична услуга при нивната прва средба.
Зошто проблемот со улични кучиња СÈ УШТЕ постои? | Уште еден поткаст
Хабиб Нурмагомедов е еден од најголемите ММА борци на сите времиња. Тој исто така е и голем љубител на фудбалот и често можеме да го видиме на трибините на најпознатите стадиони во светот.
Нурмагомедов ја запозна елитата на светскиот фудбал. Меѓу нив е и Давид Бекам, со кого има интересна сцена што се случи во Париз во 2018 година.
Хабиб го сретна познатиот фудбалер на натпревар на ПСЖ, а овој веднаш побара интересна услуга.
„Кон крајот на 2018 година одлетав во Париз на натпревар на ПСЖ. Давид Бекам беше таму и ми почна да зборува како тој и неговите синови ги гледаат моите борби”, рече Хабиб и додаде:
„Ме замоли да снимиме видео каде им се заканувам дека ќе им ги разбијам лицата ако не го слушаат татко им. Бев изненаден“.
Учество во игри на среќа е дозволено за лица со 18+ години. Играј одговорно!