Страшни бројки: Еве колку заработи Бекам од Мундијалот

Легендарниот англиски фудбалер Дејвид Бекам оствари значителна заработка на неодамна завршеното Светско првенство во 2026 година, со што уште повеќе го зголеми своето богатство кое се проценува на повеќе од 1,38 милијарди евра.

Иако веќе повеќе од десет години не е активен на теренот, 51-годишниот поранешен капитен на Англија беше едно од најприсутните лица во рекламните паузи насекаде низ светот, освојувајќи околу 22,1 милиони евра.

Според аналитичарите, Бекам за време на турнирот соработуваше со некои од најголемите светски компании, промовирајќи широк спектар на производи, од банкарски услуги до прехранбена индустрија.

“Брендовите соработуваат со Бекам затоа што тој е доверлив и препознатлив”, истакнаа аналитичарите од куќата за маркетинг, Marketing Made Clear.

David Beckham’s huge payment for World Cup appearance blows away Shakira and Justin Bieberhttps://t.co/Srs6Spxvfi

— Mirror Football (@MirrorFootball) July 22, 2026

Експертот за брендирање, Ник Еде, објасни дека компаниите лесно инвестираат големи износи за да обезбедат познати личности кои можат веднаш да ја привлечат вниманието во текот на рекламите, познавајќи ја нивната способност да допрат до милијарди гледачи.

Финансискиот успех од Светското првенство го почувствува и неговиот син Бруклин, кој заработи околу милион долари за учество во една реклама.

Овој нов бран на приходи ја зацврсти позицијата на британското спортско семејство, чијашто имот заедно со сопругата Викторија се проценува на 1,38 милијарди евра.

Некогашниот ас на Манчестер Јунајтед така уште еднаш демонстрираше како се гради бренд кој ја надминува границата на фудбалскиот свет.