Чистка во Милан: Прв на удар е Португалецот!

Сержо Консеисао ќе биде тренер на Милан до крајот на сезоната, а потоа италијанскиот великан ќе се обиде да најде долгорочно решение, пренесува добро информираниот инсајдер Фабрицио Романо.

Синоќешниот пораз од Болоња во финалето на Купот на Италија со резултат 0:1 беше „капката која ја прели чашата“ кај раководството на Милано и Португалецот е веќе минато, иако директорот на клубот Ѓорѓо Фурлани во својата изјава остана „загатнат“ по ова прашање.

Консеисао на 30 декември го замени својот сонародник Паоло Фонсека на „жешката“ клупа на Милано и по само два натпревара им донесе на „росонерите“ трофејот Суперкуп на Италија во Саудиска Арабија.

Тогаш се чинеше дека Консеисао и Милано се идеална комбинација, дека ќе го разбуди тимот, но во Серија А овој тим продолжи да реди многу лоши резултати.

Потоа следеше и шокантното елиминирање од Фејенорд во шеснаесетинафиналето на Лигата на шампионите, во домашното првенство ништо не се промени и Милано е на две кола пред крајот дури осми на табелата.

Со Консеисао заминува и уште еден Португалец.

Жоао Феликс одигра очајно во црвено-црниот дрес и ќе се врати во Челси по завршетокот на позајмицата.