Бомбастично на “Олд Трафорд” – Мејну заминува од Јунајтед!

Рубен Аморим не е љубител на ликот и делото на Коби Мејну.

Младиот фудбалер на Манчестер Јунајтед не добива често шанса од португалскиот стручњак, иако тоа беше случај со претходниот тренер, Ерик тен Хаг.

Мнозина се прашуваат како стартер во репрезентацијата на Англија не може да добие минути кај Аморим, а што имаше да рече Португалецот?

“Ако започнува за репрезентацијата на Англија, не мора да значи дека јас морам да го вклучам во тимот ако не чувствувам дека би требало. Значи, тоа е мојата одлука”, рече Аморим.

“Атлетик” пишува дека Мејну е подготвен да замине на позајмица во јануари и дека тоа ќе се случи, прашање е само на клуб, односно каде би можел младиот 20-годишен играч од среден ред да ја продолжи кариерата.