Бивш бразилски тенисер ги спушти на земја Алкараз и Синер: Рано е за споредба со „големата тројка“

Поранешниот најдобар тенисер во светот Густаво Куертен ги пофали Јаник Синер и Карлос Алкарас, но истакна дека е рано да се споредуваат со „големата тројка“.

Синер и Алкараз се предводници на новата генерација тенисери и нема сомнение дека во годините пред нас ќе водат најголеми битки на турнејата.

„Секогаш е тешко да се прават споредби меѓу генерации, но тенисот денес е на импресивно ниво. Синер и Алкараз покажаа тенис од највисок квалитет, со комбинација од сила, брзина и техника која навистина е извонредна. Навистина, во секој случај, тие ја подигаат играта на нови височини”, рече Куертен и додаде:

„Важно е да се запомни дека Федерер, Надал и Ѓоковиќ доминираа во спортот речиси две децении, нешто без преседан. Не само што освоија неверојатен број титули, туку и постојано го подигаа нивото на игра и со тек на време ја прилагодуваа“.