Баварците синоќа го победија Реал, па ѕвездата на Баерн соопшти во кој клуб ќе оди летово

На стадионот Сантијаго Бернабеу, бевме сведоци на навистина фантастичен натпревар помеѓу Реал и Бајерн, а на крајот гостите победија со 2:1.

Но, утрово, главна тема во германската јавност е Леон Горецка, кој беше на теренот само неколку минути бидејќи Винсент Компани го изведе на терен во судиското продолжение.

Билд објави дека Горецка по натпреварот во Мадрид одлучи за кој клуб ќе потпише летово, бидејќи веќе некое време е јасно дека го напушта Бајерн.

На репрезентативецот на Германија му истекува договорот со Баварците и не постигна договор за продолжување на соработката, па ќе ја бара среќата во друг клуб.

Иако има богати понуди од клубови надвор од Европа, се чини дека неговата цел е да остане на Стариот континент, и според тоа како стојат работите, Горецка од следната сезона ќе го гледаме во Италија.

Медиумите и во Германија и во Италија наведуваат дека Горецка и Јувентус се на чекор до договор и дека синоќа германскиот играч од средниот ред даде до знаење дека сака да оди во редовите на Старата дама.