Ас: Пораката на Мбапе на масата во соблекувалната е пресвртница

Серијата лоши резултати на Реал продолжи на Сан Мамеш каде Атлетик победи со 2:1.

Тоа беше петти пораз во последните 11 натпревари на мадридскиот гигант, а дојде со уште една лоша партија на Килијан Мбапе. Но, ситуацијата наскоро може да се промени, пишува Ас, откривајќи што се случило по натпреварот.

„Во соблекувалната, додека атмосферата беше на најниско ниво, Мбапе разговараше индивидуално со некои истакнати играчи на тимот. На секој од нив му го кажа истото. Се извини и ја покажа својата желба да стане вистински лидер на новиот проект“, пишува Ас.

„Нешто се случи, Сан Мамес е пресвртница во кариерата на Мбапе во Реал“, се нагласува во текстот и се открива дека францускиот напаѓач по поразот оставил белешка на масата на лист на која пишувало: „Ќе покажам кој сум.”