АС: Гвардиол е платен 90 милиони евра. Мбапе го прати по цигари.

РЕАЛ во реваншот од плеј-офот за нокаут-фазата на Лигата на шампионите го победи Манчестер Сити со 3:1 на Сантјаго Бернабеу и со вкупни 6:3 се пласираше во осминафиналето. Најдобар играч на натпреварот беше тројниот стрелец Килијан Мбапе. Француската ѕвезда погоди во 4., 33. и 61. минута.

Вториот гол го постигна откако го посрамоти Јошко Гвардиол. Голот можете да го погледнете ОВДЕ.

Мадридскиот Ас за спектакуларната акција и завршница на Мбапе против Гвардиол пишува со наслов: “Епски дриблинг против дефанзивец од 90 милиони евра. Незаборавно. Го прати Гвардиол по цигари со оваа генијалност.” 

Гвардиол е неприкосновен стартер кај тренерот Пеп Гвардиола, чиј тим има најслаба сезона во последниве години. Хрватскиот дефанзивец, платен 90 милиони евра, оваа сезона има 37 настапи, пет гола и две асистенции.