Артета избегна одговор на прашање за титулата, дали е крај?

Арсенал освои бод на „Олд Трафорд“ против Манчестер Јунајтед и сега заостануваат 15 бодови разлика зад лидерот Ливерпул. Тоа го покажува и реакцијата на Микел Артета на крајот на натпреварот.

„Топчиите“ веќе некое време имаат проблеми со голем број повредени играчи, но и со слаби игри. Тоа многу ги чини, па така ни овој пат не успеаја да го победат десеткуваниот Јунајтед.

Арсенал со бодот против „Црвените Ѓаволи“ дојде до 55 поени, има дури 15 помалку во однос на Ливерпул, а тимот од „Емирејтс“ им е прв ривал за титулата оваа сезона. Тоа би значело дека сезоната е практично завршена.

Во прилог на ова оди и реакцијата на Микел Артета по завршувањето на мечот. На прашањето на новинарите за разликата помеѓу Ливерпул и Арсенал, Артета не сакаше да одговори и излезе надвор со краток коментар:

„Благодарам“.

🚨 Микел Артета не сакаше да одговори на прашањето за битката за титулата кога го прашаа за разликата во поени со Ливерпул: „Благодарам“. pic.twitter.com/gjqo6XV9nA

— Фабрицио Романо (@FabrizioRomano) 9 март, 2025

Многу е јасно дека Артета го доживеа ова реми тешко. Арсенал лесно можеше и да загуби од Јунајтед, но и сега шансите за титула се многу, многу мали. Математички е возможно, меѓутоа, реално, многу тешко.