Арсенал се сели од „Емирати“, сака најголем стадион во Лондон (Видео)

Арсенал има сериозни планови и тие не се само поврзани со освојување на трофеите. 

Лондонскиот клуб, покрај титулата шампион на Англија, има цел и – проширување на капацитетот на стадионот. 

Сегашниот капацитет на „Емирати“ е 60.700 седишта, а плановите за проширување се забрзани. 

Како што информира британскиот „Телеграф“, во Арсенал се надеваат дека новиот капацитет на „Емирати“ ќе биде над 70.000 седишта, со желба во Лондон Арсенал да има стадион на кој може да има најмногу гледачи, со што би ги надминале Вест Хем и Тотенхем. Да потсетиме, капацитетот на стадионот на Тотенхем е 62.850, додека на стадионот „Лондон“ каде што игра Вест Хем е 68.013.

Во Арсенал се свесни дека имаат сè повеќе навивачи, го знаат тоа и по бројот на оние кои чекаат на сезонски билети години наназад, а сакаат и поголем приход.

„Емирати“ ќе биде „засилен“ од сите страни, секоја трибина ќе биде поголемена, а се зборува и за сума од 500.000.000 фунти која ќе биде вложена во надградбата.