Арсенал добива засилување за двомечот против Реал Мадрид

Менаџерот на Арсенал, Микел Артета, потврди дека Букајо Сака е на чекор до враќање на теренот.

Сака е надвор од игра од крајот на минатата година поради повреда на задната ложа, поради која мораше и да оди на операција, а сега е во последната фаза на опоравување.

„Многу е блиску до враќање. Направи значаен напредок во опоравувањето и одлично напредува. Ќе видиме, ќе го тестираме и ќе процениме колку брзо може да се приклучи на тимот. Но, јасно е дека е близу“ рече Артета.

Да потсетиме, Арсенал сега е посветен само на Лигата на шампионите, бидејќи Ливерпул е недостижен во борбата за титулата.

Арсенал го пречекува Реал Мадрид на осми април, а реваншот е осум дена подоцна на „Сантијаго Бернабеу“.