Аморим: Многу ми е жал за луѓето кои мораа да си тргнат од стадионот додека губевме 2:4

Во исклучително драматичен натпревар Јунајтед го исфрли Лион и помина во полуфиналето на Лига Европа.

Аморим инспириран од натпреварот со Баерн од 1999 година

“Гледав документарец за натпреварот на Манчестер и Баерн од 1999 година за да добијам инспирација за вакви моменти. Ова беше голема ноќ. Мислевме дека е готово, но вистината е дека никогаш не е готово. Чувствувам дека сѐ е можно. Атмосферата на стадионот беше најдобрата досега. Многу ми е жал за луѓето кои мораа да си тргнат од стадионот додека губевме 2:4.

Знам дека не играме добро и заслуживме критики, но имаме време да направиме нешто посебно оваа сезона. Ќе се концентрираме на Лига Европа и ќе ризикуваме со младите во Премиер лигата. Се надевам дека нашите навивачи тоа ќе го разберат”, рече по натпреварот тренерот на Јунајтед.